GBS Outbreak in Maharashtra: ఐదుగురు మృతి, 163కు చేరిన కేసులు
GBS Outbreak in Maharashtra: మహారాష్ట్రలో గులియన్ బారే సిండ్రోమ్ (GBS) కేసులు వేగంగా పెరుగుతున్నాయి. జనవరి చివరి వారంలో మొదటి మరణం నమోదయిన తర్వాత ఇప్పటివరకు ఐదుగురు మృతి చెందారు. ఈ అరుదైన న్యూరోలాజికల్ డిజార్డర్ మహారాష్ట్ర ఆరోగ్య శాఖను ఆందోళనకు గురి చేసింది.
GBS వ్యాప్తి పరిస్థితి: పుణే జిల్లాలో పరిస్థితి అత్యంత గంభీరంగా ఉంది. పుణే నగరంలో 32 కేసులు, పుణే మున్సిపల్ కార్పొరేషన్ పరిధిలో 86, పింప్రి చించివాడలో 18, పుణే గ్రామీణ జిల్లాలో 19, ఇతర జిల్లాల్లో 8 కేసులు నమోదయ్యాయి. మొత్తం 163 అనుమానిత కేసులలో 127 కేసులు నిర్ధారణ అయ్యాయి.
ప్రస్తుతం చికిత్స పొందుతున్నవారు:
- 47 మంది కోలుకున్నారు
- 47 మంది ఐసీయూలో ఉన్నారు
- 21 మంది వెంటిలేటర్‌పై ఉన్నారు
GBS లక్షణాలు
- జ్వరం
- వాంతులు
- ఒళ్లంతా తిమ్మిర్లు
- విరేచనాలు
- పొత్తికడుపులో నొప్పి
- నీరసం
- కండరాల బలహీనత
విజ్ఞప్తి: ఇలాంటి లక్షణాలు ఉంటే వెంటనే వైద్యులను సంప్రదించాలి. ఇది కరోనా వైరస్‌లా వ్యక్తి నుంచి వ్యక్తికి వ్యాపించదు, కానీ కలుషిత ఆహారం లేదా బ్యాక్టీరియా వల్ల వ్యాప్తి చెందవచ్చని వైద్యులు చెబుతున్నారు.
ప్రభుత్వ చర్యలు: మహారాష్ట్ర ప్రభుత్వం ఇంటింటా సర్వేలు నిర్వహిస్తూ, అనుమానిత నమూనాలను పరీక్షలకు పంపుతోంది. పుణే నేషనల్ ల్యాబ్‌లో 168 నమూనాలను పరీక్షిస్తున్నారు. ఇప్పటికే 8 నీటి వనరులు కలుషితంగా ఉన్నట్లు గుర్తించారు.
ఇతర రాష్ట్రాల్లో పరిస్థితి: అసోంలో తొలి జీబీఎస్ మరణం నమోదయింది. తెలంగాణలో కూడా మొదటి కేసు నిర్ధారణ అయ్యింది. సిద్దిపేటకు చెందిన మహిళకు జీబీఎస్ నిర్ధారణ అయ్యి, హైదరాబాద్‌లోని ప్రైవేట్ ఆసుపత్రిలో చికిత్స పొందుతోంది.
నిపుణుల సూచనలు
- శుభ్రత పాటించండి
- సురక్షిత ఆహారాన్ని మాత్రమే తీసుకోండి
- నీటి శుద్ధిని ఖచ్చితంగా పాటించండి
ఈ వ్యాధి కంట్రోల్ చేసుకోవడానికి ప్రభుత్వ చర్యలతో పాటు, వ్యక్తిగత జాగ్రత్తలు కూడా ఎంతో ముఖ్యమైనవి.
One thought on “GBS Outbreak in Maharashtra: ఐదుగురు మృతి, 163కు చేరిన కేసులు”
Comments are closed.